Шимолий Корея "корейс миллати сотқини" деб эълон қилган  Жанубий Корея президенти Пак Кин Хенинг ҳокимиятдан батамом четлатилишини "тарихий адолат ғалабаси" деб атади. 11 март куни Шимолий Кореянинг яраштириш бўйича вакили "Пак Кин Хенинг маълум ва аянчли якуни қудратли халқ намойишлари эвазига эришилган тарихий адолат ғалабаси" бўлди, деб айтди.

Кенгашда "уни ҳимоя қиладиган АҚШ ва бошқа ҳеч нарзага арзимас кучларни эртами-кечми шундай тақдир кутишига" ишонч билдирилди.

Пхеньянда айтилишича, "Жанубий Корея жамияти буюк ўзгаришлар йўлида турибди, Пак Кин Хенинг ҳокимиятдан четлатилиши эса Жанубий Кореянинг асл адолат ва ижтимоий тараққиётга эришиш учун курашининг биринчи босқичидир".

Шу сабабли кенгаш жанубий кореяликларни Пак Кин Хе ортидан "қолган барча жаҳолатпарастларни борт ортига ташлаш ва корейс миллатининг ёрқин келажаги учун Шимол ва Жанубнинг бирлашиши ишига муносиб улуш қўшишга" чақирди.

10 март куни Жанубий Корея конституциявий суди Пак Кин Хенинг импичментини тасдиқлади. Бунинг оқибатида у президентлик дахлсизлиги ва жиноий таъқибдан иммунитетни йўқотади.