“Тараққиёт стратегияси” маркази “Менинг юртим” телеканали билан ҳамкорликда шу йилнинг 15 март кунидан бошлаб видеокамералар томонидан қайд этилган қоидабузарликлар учун ҳайдовчиларни жаримага тортиш механизми синов тариқасида ишга туширилиши муносабати билан бўлиб ўтадиган муҳокамада  қатнашиш истагида булганларни таклиф этади. 

Тадбир шу йилнинг 13 март куни соат 14:30да “Зарафшон” концерт залида бўлиб ўтади. Унда Ички ишлар вазирлиги, Адлия вазирлиги ва бошқа мутасадди ташкилот вакиллари иштирок этишади. 

Ток-шоу тарзида бўлиб ўтадиган тадбирда фикр-мулоҳазалар, таклифлар, савол-жавоблар, баҳс-мунозалар билан ўтиши кутилмоқда. Иштирокчилар сони чекланган. 

Маълумот ўрнида, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида Ички ишлар органлари фаолиятнинг шаффофлигини, оммавий ахборот воситалари билан ўзаро ҳамкорликни, иш натижалари тўғрисида аҳолини хабардор қилишни таъминлаш вазифаси белгиланган. 

Бундан ташқари, йўл ҳаракати хавфсизлигини, ёнғин хавфсизлигини таъминлаш ҳамда илғор ахборот-коммуникация технологияларини жорий этиш ва улардан фойдаланиш каби масалалар Ички ишлар органлари томонидан 2017 йилнинг биринчи чорагида ҳаётга тадбиқ этилиши кўзда тутилган.

Мурожаат учун телефонлар: (+998 71) 230-59-93, (+998 71) 239-01-92