Япониялик олимлар гулни митти дрон ёрдамида чанглата олишди

Технология 12 Март 2017 3772

Япониялик олимлар биринчи марта гулни механик қурилма ёрдамида чанглата олдилар. Ари ўрнига бу ишни ион гел билан қопланган митти дрон бажарди, деб хабар бермоқда CNN телеканали.

Тадқиқот муаллифи, Япониядаги илғор саноат фан ва технологияси миллий институти ходими Ижиро Мияконинг Chem журналига сўзлаб беришича, бундай тажриба дунёда биринчи марта ўтказилди. 

Чанглашда бош ролни дрон эмас, балки у қопланган ион гел бажаради. Мияко бу модда билан 10 йил аввалоқ тажрибалар ўтказган, бироқ унинг амалий татбиғини топа олмай, четга суриб қўйганди.

Ушбу гелнинг ўзига хослиги шундаки, у атроф-муҳит билан таъсирлашганда ва ҳаттоки экстремал шароитларда, мисол учун духовкада қиздирилганда ҳам ўз хусусиятларини йўқотмайди. 

Дронга маҳкамланган юнг тасмасига шу гелдан суртиб, гулчангни ташиб юрувчи ҳашаротлар панжаси имитация қилинди. Олимлар тажрибавий йўл билан гулга мини-дронни ўтказиб, ундаги гулчангни ушлаб, бошқа ўсимликка ташишга муваффақ бўлишди. 

Муаллифларнинг айтишича, бундай роботлар ҳозирда бутун сайёрамиз арилар камайиб кетгани сабабли дуч келинган чанглаш инқирози деб аталувчи ҳолат билан курашда ёрдам бериши мумкин. 

Олимнинг таъкидлашича, у ўз ишида қолган олимлар яратмоқчи бўлаётган механик арини яратишга эмас, айнан чанглаш жараёнига эътиборини қаратган.

Мияконинг айтишича, айни вақтда дронлар ёрдамида амалда чанглашни амалга ошириб бўлмайди, чунки дронлар ўлчамлари сабабли фақатгина катта гулларга қўна олади ва одамлар томондан бошқарилади. Бироқ олим келажакда "сунъий онгнинг баъзи шакллари ва GPS тизими ўзи мустақил ишловчи шундай дронларни яратишда ёрдам беришига" ишонч билдирди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33971 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72140 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10436 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136048 Жамият
Франция чемпионати. «Лион» сўнгги дақиқаларда ғалабани қўлдан чиқарди. Снейдернинг дебюти «Ницца»га омадли келди
01:44 0 Спорт
Жарқўрғонда йирик корхоналар ишга тушиши режалаштирилмоқда
Бундеслига. «Лейпциг» «Шальке»дан мағлуб бўлди
00:26 264 Спорт
KUN.UZ Тошкент вилоятига ташриф буюради. Савол ва таклифлар қабул қилинмоқда
Барча замонларнинг энг яхши қора танли спортчилари рўйхати тузилди
23:56 / 19.08.2017 2483 Спорт
АПЛ. «Арсенал» мағлубиятга учради
23:50 / 19.08.2017 1035 Спорт
Кўпроқ янгиликлар