Нидерландиядан чиқариб юборилган туркиялик вазир Истанбулга қайтиб келди

Жаҳон 12 Март 2017 6398

Нидерландия ҳукумати мамлакатга ер усти транспорти орқали Германиядан келиб, Роттердамдаги Туркия бош консулхонасига кирмоқчи бўлган Туркиянинг оила ва ижтимоий сиёсат масалалари бўйича вазири Фатма Бетул Саян Каяни мамлакатдан чиқариб юборгач Германияга ўтган вазир, Кёльндан Истанбулга учиб, ватанига қайтиб келди.

Вазир Германиядаги бир қатор маросимларда иштирок этган Туркия ёшлар ва спорт вазири Акиф Чағатой Килиджунинг самолётида қайтган.

Фатма Бетул Саян Каяга Кёльндаги Туркия бош консули Ҳусайн Эмре Энгин ҳамроҳлик қилган.

11 март куни Нидерландия ҳукумати хавфсизлик юзасидан Туркия ташқи ишлар вазири Мавлуд Човушўғли раҳбарлигидаги Туркия делегацияси самолётига қўнишга рухсат бермагач, Фатма Бетул Саян Кая Германиядан машина орқали Нидерландияга йўл олган эди. Човушўғли ва делегациянинг бошқа аъзолари Туркиядаги конституция референдумига бағишланган митингда нутқ сўзлашни режалаштирганди.

Нидерландия полицияси аввалига туркиялик вазирнинг қўриқчиларини қўлга олди. Кейин эса уни полиция ҳамроҳлигида Германия чегарасига кузатиб қўйишди.

Вазир дунё ҳамжамиятини Нидерландия ҳукумати хатти-ҳаракатларига реакция кўрсатишга чақирди ва уларни «фашистларга хос» деб атади ҳамда аёл вазирга нисбатан бундай муносабат номақбул эканлигини айтди.

Бу орада Туркия президенти Ражаб Тойиб Эрдўғаннинг юзлаб тарафдорлари Роттердамдаги Туркия элчихонаси яқинида акция ўтказди. Намойишчиларни тарқатиш учун маҳаллий ҳукумат отлиқ полиция ва сув автоматларини қўллади.

Туркия ТИВ Нидерландиянинг Анқарадаги элчисидан мамлакатга қайтиб келмасликни сўради. Элчи айни вақтда таътилда бўлиб турибди.

Кун янгиликлари
Сиз сўнгги марта қачон тиббий текширувдан ўтдингиз?
11:11 13186 Жамият
Талаба бўлишни истаганлар учун институтга бепул тайёрланиш имконияти яратилди
09:18 20600 Lifestyle
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 84963 Жамият
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 14327 Ўзбекистон
Ҳиндистонда қуёш панелларига эга илк поезд ишга туширилди (фото)
Халқ сарсон: Мутасаддилар, гапиринглар, ўқувчи мактабда қолсинми ёки коллежга борсин?
20:55 4281 Жамият
Йилнинг 1-ярмида истеъмолчилар фойдасига 2 млрд сўмлик етказилган зарар қайта ҳисоб-китоб қилинди
20:37 1631 Жамият
Бин Лодин, Жиноят, Қамоқ: Озарбойжонда болаларни қандай исмлардан қутқаришмоқда
19:57 4287 Жамият
Анқара терроризмни дастаклашда гумон қилинаётган немис компаниялари рўйхатини қайтариб олди
19:54 1183 Жаҳон
Ноқонуний равишда ер қаъри ва норуда фойдали қазилмаларни қазиб олганлар фош этилди
19:39 4969 Жамият
Кўпроқ янгиликлар