Испаниянинг икки етакчи жамоалари «Реал» ва «Барселона» келаётган ёзда АҚШда ўзаро ўйин ўтказади. Бу ҳақда мадридликлар расмий сайти хабар тарқатди.

Манбага кўра, «Эл-класико» 29 июль куни АҚШда, Майамидаги «Ҳард Рок стэдиум» аренасида бўлиб ўтади.

Учрашув International Сhampions cup мусобақаси доирасида кечади.

Қизиғи, бу 1991 йилдан буён «Барселона» ва «Реал» жамоалари ўртасидаги дастлабки ўртоқлик учрашуви бўлади.