Анқара ва Амстердам ораси. Турк вазирлари Нидерландияга киритилмаган кун

Жаҳон 12 Март 2017 9309

Туркиянинг оилавий масалалар ва ижтимоий сиёсат вазири Фатма Бетюл Сайян Кайя Нидерландия ҳукумати уни "номақбул хорижлик" деб эълон қилганидан кейин Европага кириш ҳуқуқидан маҳрум бўлиши мумкин. Нидерландия телерадиоэшиттириш корпорацияси бу ёрлиқ остида айнан нима назарда тутилгани ва унинг қандай оқибатларга олиб келиши мумкинлигини таҳлил қилди.  

Телеканал маълумотларига кўра, бу ибора муайян кишиларнинг мамлакатга келиши номақбул экани, зеро унинг жиноят содир этгани ёки хавф туғдиришини кўзда тутади. "Номақбул хорижлик" деб эълон қилинган инсон дарҳол мамлакатни тарк этиши керак бўлади, акс ҳолда унга олти йилгача қамоқ жазоси ёки депортация хавф солади. Бу қонун расман бутун Шенген зонасида қўлланади. Бу эса шу инсоннинг бошқа Европа мамлакатларида пайдо бўлиши номақбул эканини билдиради. 

Туркия бош вазири Биноли Йилдирим Туркия Нидерландия ҳукуматининг бундай ҳаракатларига кескин жавоб беришини маълум қилди. 

Бундай ёрлиқнинг муддати шарт-шароитларга боғлиқ бўлади. Максимал муддат 10 кундан иборат экани қайд этилган, бироқ агар давлат бу инсон миллий хавфсизликка мунтазам равишда хавф солади деб топса, муддат  янада узайтирилиши мумкин. Ёрлиқни ёзма мурожаат орқали бекор қилиш имкони мавжуд. Бундан ташқари, Нидерландия хавфсизлик ва адлия вазирлиги "номақбул хорижлик" деб эълон қилинишига доир қарорни бекор қилиш ҳуқуқига эга. 

Нидерландияда бир йилда неча киши "номақбул" деб топилиши номаълумлигича қолмоқда. 2008 йилда олинган сўнгги маълумотларга кўра, Иммиграция ва маҳаллийлаштириш хизмати 1550 кишини "ноқонуний хорижлик" деб топган. 

Амстердам ва Анқара ўртасидаги дипломатик зиддият ҳолланд ҳукуматининг мамлакатда Туркия конституцион ислоҳотини қўллаб-қувватловчи чиқишларни тақиқлаш қарори фонида бошланган. Тақиқловга қарамай, шанба куни Фатма Бетюл Сайян Кайя Германиядан бу мамлакатга келди. Бироқ полиция унга турк диаспорасига мурожаат қилиш имконини бермади, шу билан бирга консулликка киришни блоклаб қўйди. Бир неча соат ўтгач, вазир "номақбул хорижлик" дея эълон қилинди ва Нидерландия полицияси ҳамроҳлигида Германияга қайтарилди. 

Кун янгиликлари
Дайжест: Янги қонун, лавозимий ўзгаришлар, Европага хавф солаётган тошқин ва куннинг энг муҳим хабарлари
21:28 / 27.03.2017 6061 Жаҳон
Қўқон нима қилсин – 22 яшар ўғли лоқайдликнинг қурбони бўлди
15:58 / 27.03.2017 36694 Жамият
Тадбиркорлар орасида шов-шувларга сабаб бўлаётган бизнес-семинарга 6 кун қолди. Ўтказиб юборманг!!!
15:07 / 27.03.2017 4779 Жамият
Трамп қизи Иванкани муҳим анжуманга жўнатишга қарор қилди
00:39 1049 Жаҳон
Чавушўғлу Европанинг фашизмга ботганини айтди
23:54 / 27.03.2017 1338 Жаҳон
Фидель Кастронинг синглиси ҳаётдан кўз юмди
23:45 / 27.03.2017 1817 Жаҳон
Ачинарли ҳақиқат: дунёдаги энг ифлос дарёлар
23:40 / 27.03.2017 2866 Lifestyle
Перуда тошқин оқибатида бутун бошли шаҳар сув остида қолди
23:00 / 27.03.2017 2196 Жаҳон
Путиннинг махфий лимузини Швецияда пайқалди
22:47 / 27.03.2017 10263 Технология
Қишлоқ хўжалигига доир саволларингиз борми? Йўлланг!
22:24 / 27.03.2017 2451 Жамият
Кўпроқ янгиликлар