"Ангрен" эркин иқтисодий ҳудудида саноатда ишлатилувчи металл конструкциялар ишлаб чиқарувчи завод барпо этилади.

«Ангрен» ЭИҲ раҳбарияти ва Туркиянинг DAL Teknik Makina Tigaret Ve Sanayi Anonim Sirketi компанияси инвестицияларнинг дастлабки қиймати 10 млн долларни ташкил қилувчи ушбу завод қурилиши лойиҳаси бўйича ҳамфикрлик меморандумини имзолади. 

Лойиҳа ЭИҲнинг Оҳангарон саноат блокида амалга оширилади. Заводнинг умумий майдони 6 гектарга яқинни ташкил қилади. 

Бугунги кунда ушбу лойиҳа ташаббусчиси томондан ЭИҲнинг маъмурий кенгаши аъзолари кўриб чиқиши учун ҳужжатлар пакети тайёрланмоқда.

Завод қурилиши 2017 йилгача якунланиши режалаштирилмоқда. Ушбу лойиҳа Ўзбекистонга саноатда ишлатилувчи тайёр металл конструкциялар импортини анча камайтиришга имкон беради.