O‘zbekiston prezidenti Shavkat Mirziyoyev Buxoro viloyatiga tashrifi vaqtida Peshku tumanida rahbar amaldorlarni lavozimidan ozod etgan.
«Kun.uz» manbasining ma'lumot berishicha, Peshku tumani hokimi Shavkat Mavlonov, tuman prokurori Q.Qilichev hamda tuman IIB boshlig‘i E.Safarov lavozimidan ozod etilgan.
Bu o‘zgarishlar sababi keltirilmagan. Shuningdek, ushbu lavozimlarni egallaydigan yangi rahbarlar hozircha ma'lum emas.
Eslatib o‘tamiz, «Kun.uz» xodimlari o‘tgan oy oxirida Buxoro viloyatiga safar qilib, viloyat hokimi bilan suhbatlashgan, o‘shanda aholi murojatlari hokimga yetkazilgan, murojaatlarda Peshku tumanidagi rahbar amaldorlardan jiddiy shikoyatlar ham bo‘lgandi.
