Кейптаундаги велопойга ташкилотчилари трассада спортчиларнинг ҳаракатларини қийинлаштирувчи кучли шамол туфайли мусобақани бекор қилишди. ABC News шу ҳақида хабар берди

Хаут-Бей яриморолида ўтаётган Cape Town Cycle Tour велопойгаси 40 йиллик тарихида биринчи марта бекор қилинди. Мусобақа иштирокчиларининг хавфсизлигини таъминлаш мақсадида шундай қарор қабул қилинди. 

Дастлаб ташкилотчилар масофани 109 километрдан 78 километргача қисқартиришди. Бироқ деярли пойга бошланиши биланоқ кучли шамол бошланди - шамол тезлиги соатига 100 километрдан ортиқни ташкил қилди. Гувоҳлар мусобақа иштирокчиларининг пойга вақтидаги қийналган лавҳаларини суратга олишди.

Пойгада 35 мингга яқин киши қайд этилган. Мусобақа ташкилотчилари уни 2018 йилда ўтказишга умид қилишмоқда.