Ғарбий Мўсулдаги ИШИД жангарилари тўлиқ қуршаб олинди. Бу ҳақда ИШИДга қарши курашувчи коалициядаги АҚШ махсус вакили Бретт Макгарк маълум қилди, деб хабар бермоқда Associated Press ахборот агентлиги.  

Макгаркнинг таъкидлашича, Ироқ қўшинлари Мўсулдан охирги чиқиш  йўлини назорат остига олганлар. 

Унинг айтишича, ИШИД айни вақтда Ироқда босиб олган ҳудудларининг 60 фоизини йўқотган.

Аввалроқ ироқлик ҳарбийлар Мўсулни ИШИДдан бир ой ичида тўлиқ озод қилишни мўлжаллаётганлари маълум қилинганди.