Хитой денгиз-пиёда қўшинлари сонини тўрт баробарга оширади

Жаҳон 13 Март 2017 4569

Хитой денгиз-пиёда қўшинлари сонини ҳозирги 20 минг ҳарбий хизматчидан 100 минггача оширишни режалаштирмоқда. Бу муҳим денгиз коммуникациялари ва хориждаги манфаатларнинг ортиб бораётгани билан боғлиқ, деб хабар берди South China Morning Post газетаси ҳарбий эксперт ва манбаларга асосан.

Хабар қилинишича, контингентнинг бир қисми Жибути ва Покистон жануби-ғарбидаги Гвадарда жойлашади.

Манбаларнинг нашрга хабар беришича, ҳозирги қўшинларнинг икки бригадаси денгиз-пиёда қўшинлари таркибига киритилган ҳамда унинг сонини қарийб икки бараварга оширди.

"Хитой халқ-озодлик армиясининг денгиз-пиёда қўшинлари сони 100 мингга қадар оширилади ва олти бригададан иборат бўлади", - дея манбанинг сўзларидан иқтибос келтирган нашр. Унинг сўзларига кўра, ҳарбий-денгиз кучлари сони ҳам ошади – 15 фоизга (айни дамда ҲДК сони 235 минг кишини ташкил этади).

Ҳарбий эксперт Ли Цзенинг маълум қилишича, денгиз-пиёда қўшинлари одатда Хитойнинг денгизга яқин ҳудудларида бўлган, шунинг учун у нисбатан камсонли бўлган.

"Тайвань билан эҳтимолий можародан ташқари, Хитой халқ-озодлик армиясининг денгиздаги миссияси хорижда ҳам бўлиши мумкин, бу Хитойнинг Корея ярим оролидаги хавфсизлик манфаатларини ҳимоя қилишга йўналтирилган бўлади", - дея тахмин қилди эксперт.

2016 йилнинг февралида Хитой Жибутида ҳарбий база қурилиши ҳақида маълум қилди. Ҳозирча у ерда жойлашадиган ҳарбий хизматчилар сонига ойдинлик киритилмади, бироқ матбуотда пайдо бўлган маълумотларга қараганда, базада тахминан 10 минг киши жойлашади.

Гвадар порти эса Форс кўрфазидан нефтни ташишда асосий йўлак саналади ҳамда у Хитойнинг маблағлари эвазига қурилган. Хабар қилинишича, портда Хитой армияси объектлари бўлмайди, бироқ ҳарбий кемалари жойлаштирилади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14939 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56042 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 680 Жаҳон
Reuters: АҚШ Мисрга ҳарбий ёрдам бермайдиган бўлди
00:34 670 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2477 Жамият
Германияда Трамп боши шаклидаги гиёҳванд моддали таблеткалар аниқланди
00:21 671 Жаҳон
Сербия Ҳиндистон ва Эрон фуқаролари учун визани бекор қилди
00:18 661 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 898 Жаҳон
Кўпроқ янгиликлар