Қирғизистонлик овчи бўри овлаш сирлари билан бўлишди

Жамият 13 Март 2017 14896

Қирғизистоннинг Қадамжой туманидаги Олға қишлоғида яшовчи Усенбой Дармонов 12 ёшидан буён бўрилар билан "суҳбатлашади". "Turmush" нашрида у ҳақидаги мақола тақдим этилди
 
Манбага кўра, 45 ёшли эркак бўриларнинг хўжаликдаги молларга ҳужумлари кўпайганидан кейин овга чиқади. "Менинг аждодларим халқ орасида машҳур овчи бўлишган. Улар яйловда яшаб, чорвачилик билан шуғулланишгани учун молларни йиртқичлар ҳужумидан асраш мақсадида кўп ов қилишган. Мен ҳам уларнинг изидан бориб, овчилик билан шуғулланишга қарор қилдим. Қишлоқдаги молларга ҳужум қилувчи бўри ва шоқолларни нишонга оламан. Болалигимда мен бўриларнинг увиллашига қулоқ тутиб, уларнинг товушини такрорлашга ҳаракат қилардим", - дейди овчи.

У.Дармонов қачонлардир ўз овозига етарлича баҳо бермай, баланд овозда бақирганини ёдга олади. "Шундан сўнг ҳар томондан бўрилар увиллай бошлаган. Мен қўрқиб кетиб, уйга қараб қочганман. Мен борган сари йиртқичларнинг товушига тақлид қила бошладим. Бўриларнинг овози ҳам одамлар овозига ўхшаб ёш-жинсига кўра фарқланади", - деди овчи ва уларнинг орасидаги тафовутларга қўшимча изоҳ берди.

"Биз овга чиққанимизда мен дастлаб бўрига ўхшаш овоз бераман, шундан кейин маълум бир жойда бўрилар тўплана бошлайди. Урғочи бўрига ўхшаб увилласанг, эркак бўри уни дарҳол қидириб келади. Шунда уни ов қилиш мумкин бўлади", - дея сўзлайди у. Дармонов шунингдек январь ойида урғочи бўри товушига тақлид қилиш кўпроқ натижа беришини қўшимча қилди. 

"Бўрилар - жуда айёр ҳайвонлар ва уларга ўқ узиш осон иш эмас. Уларни тунда овлаган маъқул. Ҳар бир овчининг бўри овлашда ўз сирлари бўлади. 2008 йилдан бошлаб Баткен вилоятининг Овчилар ва балиқчилар иттифоқида штатдан ташқари инспектор сифатида фаолият юрита бошладим. Ўшандан бери овчилар мени ўзлари билан тоғларга олиб кетишади. Нечта бўрини нишонга олганимни аниқ айтолмайман. Мен ўз вазифамни аҳолини йиртқичлардан ҳимоя қилишда деб биламан", - дейди овчи.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар