Ўзбекистон Марказий сайлов комиссияси Олий Мажлиснинг Қонунчилик палатаси бир неча депутатлари ваколатини улар бошқа лавозимга тайинлангани муносабати билан тугатди. Бу ҳақда МСК матбуот хизмат хабар берди.

42-Косонсой сайлов округидан сайланган Собитхон Тошпўлатович Турғунов Ўзбекистон Республикаси Президентининг Наманган вилоятидаги Халқ қабулхонаси мудири лавозимига тайинланган.

18-Избоскан сайлов округидан сайланган Алишер Қаюмович Шадманов эса Ўзбекистон Республикаси Соғлиқни сақлаш вазири лавозимига тайинланган.

128-Саноат сайлов округидан сайланган Ўзбекистон Республикаси Олий Мажлисининг Қонунчилик палатаси депутати Рустам Туйчиевич Камилов Ўзбекистон Республикаси Президентининг Давлат маслаҳатчиси лавозимига тайинланганлиги муносабати билан унинг депутатлик ваколати муддатидан илгари тугатилди.

66-Янгиер сайлов округидан сайланган Ўзбекистон Республикаси Олий Мажлисининг Қонунчилик палатаси депутати Дилфуза Жумановна Ўролова Сирдарё вилояти ҳокими ўринбосари – Хотин-қизлар қўмитаси раиси лавозимига тайинланганлиги муносабати билан унинг депутатлик ваколати муддатидан илгари тугатилди.

Шунингдек хабар қилинишича, Жиззах вилояти давлат ҳокимияти вакиллик органлари депутатларининг бўшаб қолган ўринга Ўзбекистон Республикаси Олий Мажлисининг Сенати аъзоси сайлови бўйича қўшма мажлиси 2017 йил  14 март куни ўтказилади.