Буюк Британия бош вазири Тереза Мэй Шотландия биринчи вазири Никола Стерженнинг мамлакатни Бирлашган Қироллик таркибидан олиб чиқиш бўйича референдумни ташкиллаштиришга бўлган уринишларини танқид остига олди. Бу ҳақида Reuters агентлиги хабар берди

Мэй шунингдек Шотланд миллий партияси (ШМП) ва унинг етакчиси Стержен мазкур ташаббуси билан сиёсий қарашларининг торлигини намойиш қилаётганини таъкидлади. 

"Бугун намойиш этилган ШМП қарашларининг торлиги чуқур таассуф уйғотади. Шотландия ҳукумати мамлакатимиз келажаги билан сиёсат ўйинини ўйнаш ўрнига ўз аҳолиси фаровонлиги учун ижтимоий хизматлар фаолиятига диққатини қаратиши лозим", - деди Буюк Британия ҳукумати раҳбари.