АҚШнинг Шарқий қирғоғидаги кучли қор бўрони туфайли беш мингдан ошиқ рейслар бекор қилинди, деб хабар бермоқда FlightAware авиация портали.

"Бекор қилинган барча рейсларнинг умумий сони 5348тага тенг", - дейилади сайтда.

Кучли қор бўрони АҚШ шимоли-шарқи учун январь ва февраль ойларида кузатилган аномал иссиқ ҳаво ҳароратидан сўнг ёпирилди. Душанба ва сешанба кунлари бу мавсум учун жуда паст ҳарорат кутилмоқда (Цельсий бўйича минус 4 — минус 2). Тахминларга кўра, ноқулай об-ҳаво кузатилаётган ҳудудларда ўн миллионга яқин америкаликлар яшайди.

Аввал хабар қилинганидек, кучли қор Атлантика қирғоғидан ташқари, Буюк текислик ва Шимолий-Атлантика минтақасида ҳам кузатилади. Бостон ва Нью-Йоркдан тортиб Балтимор ҳамда Филадельфияга қадар бўлган шаҳарларда қор кутилмоқда. 

Нью-Йорк ҳукумати фуқароларни сешанба куни автомобиллардан иложи борича фойдаланмасликка чақирди. Электр компаниялари эса эҳтимолий узилишларга тайёргарлик кўрмоқда.