Германиядаги дўкон «Хитойликни еб, итни сақлаб қол» ёзувли футболкаларни сотишда давом этмоқда

Жамият 14 Март 2017 6341

Хитойнинг Берлиндаги элчихонаси ва интернет фойдаланувчиларининг эътирозларига қарамасдан Германиядаги Spreadshirt интернет дўконида «Хитойликни еб, итни сақлаб қол» ва «Хитойликни еб, акулани сақлаб қол» ёзувлари туширилган футболкаларни сотишда давом этмоқда.

Фейсбук фойдаланувчилари Spreadshirt вакилларини ирқчиликда айблаган.

Дўкон раҳбарияти эса фойдаланувчилар томонидан ўйлаб топилган принтлар учун масъулиятни зиммасига олмасликлари, иш очиқ платформалар тамойилида олиб борилишини айтишган. Бу тамойилга кўра, ҳар бир фойдаланувчи ўзининг шахсий дизайни орқали футболкани бошқа харидорга таклиф этиши мумкин бўлади.

Интернет дўконининг ижтимоий тармоқдаги обуначилари раҳбариятнинг бу баёнотини қабул қилишмаган. Улардан бири "Бундай принт хитойликлардан бошқа миллат ҳақида бўлганида ҳам сотувда қолдирилармиди?" деб сўраган. Spreadshirt раҳбариятидагилар эса бунга жавобан ҳеч кимни ранжитишни истамаслигини билдирган.

"Биз кимнидир хафа қилишни истамагандик ва биз принтдаги ёзувлар кимни ҳақоратлаган бўлса, уларнинг барчасидан узр сўраймиз. Бизнинг бутун дунёда 70 мингга яқин ҳамкорларимиз бор, жумладан рассомлар, мусиқачилар, брендлар, корпорациялар, нотижорий ташкилотлар ва сиёсий бирлашмалар", дейилган баёнотда.

Интернет фойдаланувчилари бу баёнотни қабул қилишмаган ва миллатни ҳақоратловчи футболкаларни сотувдан олиб ташлашни талаб этишда давом этишган.

«Сиз хато қарор қабул қилдингиз ва энди ирқчиликни рағбатлантиряпсизми? Жиддий айтаман, бу яхши иш эмас. Мен ўзим учун бошқа жойда футболка буюртма қиламан. Ўз ҳамёним орқали овоз бераман»

«Дизайнер, менежер, продюсер ва компаниядаги бошқалар, илтимос мактабга бошқатдан боринг ва замонавий жамиятда яхши инсон қандай бўлиши кераклигини ўрганинг. Ота-онангиздан ҳам сизларни қайтадан тарбиялашларини сўранг. Ўзи ёшларингиз нечада? 12 ёшли болалармисиз?»

«Сиз Хитой халқидан узр сўрашингиз керак! Японлар ҳар йили кўплаб акулаларни ўлдиришади, хитойликлар эса йўқ. Биз ит емаймиз, сизнинг дизайн эса расво!»

Бундай футболкаларни сотишни тўхтатишни сўраб, Хитойнинг Берлиндаги элчихонаси ҳам мурожаат қилган.

«Биз немис ҳамкорларимиздан компания ва сайт фаолиятини назорат қилишни ҳамда икки халқ орасидаги дўстона муносабатларни бузмасликка эътибор қаратишни сўраймиз», дейилган ушбу мурожаатда. 

Интернет фойдаланувчилари футболкаларни сотувдан олиб ташлаш сўралган петиция ҳам бошлашган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар