Грецияда Эрдўғанни ташвиқот қонунини бузишда айблашди

Жаҳон 14 Март 2017 6720

Туркия ва Нидерландия ўртасидаги можаро шуни кўрсатадики, Туркия президенти Ражаб Тойиб Эрдўған 16 апрель куни ўтказиладиган мамлакат конституциясига тузатишлар киритиш бўйича референдумда ютқазишини билганини билдиради. Шунинг учун у ўзига душман ахтариб, жамиятни ўз манфаати атрофида бирлаштиришни истамоқда. Бу ҳақда Грециядаги militaire.gr сайти хабар ёзган.

Хабарда қайд этилишича, Эрдўған бу ҳаракатлари билан хорижда сайловолди ташвиқоти ўтказишга тақиқ бўйича қонунларни бузмоқда.

"Эрдўған иложсиз қолди, у референдум арафасида яққол мағлубиятини ҳис қилди ва халқни ўз манфаати йўлида бирлаштириш учун ташқи душман қидирди. Референдумда "ҳа" жавоби берилса, мутлақ ҳокимиятга эришади ва унинг ваколатлари султонларникидан ҳам кўп бўлади", — дейилган "Қонун Эрдўғанга хорижда ташвиқот ўтказишни тақиқлайди. Нега у қичқирмоқда?" номли мақолада.

Конституциядаги ўзгаришлар Туркияда бошқарувнинг парламентдан президентлик шаклига ўтказилишини назарда тутади. Бу мамлакат президентига фавқулодда ҳолат эълон қилиш, вазирлар ва юқори мартабали мансабдорларни тайинлаш, шунингдек, парламентни тарқатиб юбориш имкониятини беради.

"У ҳар куни Грецияга иғво қилиш билан шуғулланади, аммо бу туркни ўтказишмади.

Энди у бу ишини Германия, Австрия ва Нидерландияга қарши олиб бормоқда. Бу давлатлар ўз ҳудудида унга ташвиқот ишлари ўтказишга рухсат бермади. У бу ҳаракати орқали ўзи жорий этган қонунларни қўпол равишда бузмоқда", дейилган мақолада.

Хорижда истиқомат қилувчи турклар илк марта 2014 йили Европа мамлакатларидаги консулхоналарда президентлик сайловларида қатнашганди. Улар кейинроқ 2015 йили ҳам консулхоналарда парламент сайловларида овоз беришди.

"Эрдўған ҳали бош вазир эканида Миллий кенгашга 298 рақамли қонун лойиҳасини тақдим этганди (2008 йилнинг 22 январида - таҳр). Унда сайловларни ўтказиш тартибини ўзгартириш ва сайловчилар рўйхатини тузиш таклиф этилганди. Қонуннинг 94 моддасига кўра хорижда ташвиқот ўтказишни тақиқлаш назарда тутилганди", дея ёзилган нашрда.

Туркия ва Нидерландия ўртасидаги дипломатик можаро нидерландлар турклар делегацияси самолётига қўнишга рухсат бермагач юзага келди. ТИВ раҳбари Мавлуд Човушўғли бошчилигидаги Туркия делегацияси Нидерландиянинг Роттердам шаҳрида турк жамияти қаршисида конституцияга киритилиши режалаштирилган ўзгартиришлар ҳақида нутқ қилмоқчи эди. Нидерландия ҳукумати эса хавфсизлик нуқтаи назаридан унинг мамлакатга киришини тақиқлади.

Кун янгиликлари
Сиз сўнгги марта қачон тиббий текширувдан ўтдингиз?
11:11 13186 Жамият
Талаба бўлишни истаганлар учун институтга бепул тайёрланиш имконияти яратилди
09:18 20600 Lifestyle
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 84963 Жамият
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 14327 Ўзбекистон
Ҳиндистонда қуёш панелларига эга илк поезд ишга туширилди (фото)
Халқ сарсон: Мутасаддилар, гапиринглар, ўқувчи мактабда қолсинми ёки коллежга борсин?
20:55 4281 Жамият
Йилнинг 1-ярмида истеъмолчилар фойдасига 2 млрд сўмлик етказилган зарар қайта ҳисоб-китоб қилинди
20:37 1631 Жамият
Бин Лодин, Жиноят, Қамоқ: Озарбойжонда болаларни қандай исмлардан қутқаришмоқда
19:57 4287 Жамият
Анқара терроризмни дастаклашда гумон қилинаётган немис компаниялари рўйхатини қайтариб олди
19:54 1183 Жаҳон
Ноқонуний равишда ер қаъри ва норуда фойдали қазилмаларни қазиб олганлар фош этилди
19:39 4969 Жамият
Кўпроқ янгиликлар