Мексиканинг Мехикали шаҳрида полиция вертолёти фалокатга учраши оқибатида 4 киши ҳалок бўлди.

Ҳуқуқ-тартибот муассасалари маълумотларига кўра, вертолёт парраги билан симга тегиб кетиши оқибатида учувчи бошқарувни йўқотган ва вертолёт ерга қулаб, портлаб кетган.  

Таъкидланишича, вертолёт маҳаллий тоғлардан бирига чиқиш вақтида йўқолиб қолган аёлни қидириш операциясини олиб бораётган бўлган.