Усмонийлар империяси султони Меҳмед V Решад 1916 йилда, Биринчи жаҳон урушидаги оғир шарт-шароитларга қарамай, Нидерландияга ёрдам қўлини чўзган. Усмонийлар давлати архивлари маълумотлари шундан далолат беради. Туркиянинг "Анадолу" агентлиги шу мавзудаги мақоласи билан мозийга ишора қилди. 

Хусусан, 1916 йилнинг 30 январида Усмонийлар давлати парламенти сув тошқинидан жабрланган Нидерландия аҳолисига ёрдам кўрсатишни кўзда тутувчи қонун лойиҳасини қабул қилган. 

Усмонийлар давлати ҳужжатларига мувофиқ, Нидерландия аҳолиси эҳтиёжлари учун 25 минг куруш (Усмонийлар давридаги кумуш тангалар) ажратилган.

Бундан ташқари, архив маълумотларининг гувоҳлик беришича, Нидерландия Усмонийлар давлатига телеграф орқали миннатдорчилик билдирган.