Олтинкўл экспортбоп маҳсулотлар етиштирувчи намунали туманга айлантирилади

Жамият 14 Март 2017 9042

Деҳқон хўжаликлари ва аҳоли томорқа ерларидан унумли фойдаланиш айни пайтда долзарб масалалардан бири бўлиб турибди.

Республика Бош вазири ўринбосари З.Т. Мирзаев раислигида 13 март куни ўтказилган селектор йиғилишида шу масалага катта эътибор қаратилди.

Ўзбекистон Вазирлар Маҳкамасининг шу йил 4 мартдаги “Деҳқон ҳўжаликлари ва аҳоли томорқа ерларидан самарали фойдаланиш, сувга чидамли, экспортбоп дарахт плантацияларини ривожлантиришга доир қўшимча чора-тадбирлар тўғрисида” ги қарорига асосан ишлаб чиқарилган Дастурда Республикамизнинг барча вилоятларида намунали туманлар ташкил этилиши белгиланган.

Жумладан, 2017 йилда Олтинкўл тумани аҳоли хонадонларида 100 бошдан парранда боқиш, лимон етиштиришга мўлжалланган иссиқхоналар ташкил этиш, унаби ва грек ёнғоғи етиштириш бўйича намунали туманга айлантирилади. Ҳудуддаги 30 114 та хонадонларнинг 12 196 тасида парранда боқиш, 15 057 тасида эса 151 минг унаби ҳамда грек ёнғоғи кўчатлари экиш, деярли барча хонанонларда лимон кўчатлари парваришлаш лойиҳасини намунали амалга ошириш кўзда тутилган.

Андижон вилоят ҳокимлиги вакиллари МДҲ давлатлари бозорларини ўрганиб қайтдилар. Таҳлиллар пировардида, аҳоли хонадонларида мавжуд томорқалардан самарали фойдаланиш орқали экспортбоп маҳсулотларни етиштиришга фаол киришилди.

Туманда ушбу лойиҳа асосида жами 56 маҳаллага 1 тадан агрофирма ташкил этилиб, ўз фаолиятини бошлади. Айни пайтда хонадонлар билан агрофирма ҳамда тижорат банклари ўртасида уч томонлама шартномалар тузилиб, кредит ҳужжатлари тайёрланмоқда.

Андижон вилояти ҳокими Шуҳратбек Абдураҳмонов Олтинкўл туманидаги ташкилотлар, қишлоқ ва маҳалла фуқаролари йиғинлари, агрофирмалар, тижорат банклари ҳамда паррандачилик корхоналари раҳбарлари иштирок этган селектор йиғилишидан сўнг амалга оширилиши кўзда тутилган ишларни ташкил этиш бўйича тузилган аниқ режа ҳақида сўзлаб, вазифаларни белгилаб берди.

Элмурод Эрматов, Андижон.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31869 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17729 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 68904 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58290 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 3621 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9521 Жаҳон
Кўпроқ янгиликлар