Россия президенти Владимир Путин собиқ президент Борис Ельциннинг рафиқаси Наина Ельцинани "Муқаддас Екатерина" ордени билан тақдирлади. Бу ҳақда Кремль матбуот хизмати хабар тарқатган.

Давлат раҳбари Ельцинанинг "ижтимоий аҳамиятга эга гуманитар дастурлар ҳамда хайрия ишларидаги фаол иштироки"ни қайд этиб ўтган.

Наина Ельцинага бу мукофот 85 ёшини нишонлаётган кунда топширилди. У марҳум турмуш ўртоғининг вафотидан кейин Б.Н. Ельцин номидаги президент марказининг васийлик кенгашига аъзо бўлиб кирганди. У ўтган вақт ичида турли ижтимоий тадбирларда фаол иштирок этиб келади.