Европа чемпионлар лигасининг 1/8 финал жавоб учрашувиларидан бирида «Лестер» Испаниянинг «Севилья» клубини қабул қилди.

Учрашувнинг 27-дақиқасида мезбонлар сардори Уэсли Морган жамоасини ҳисобда олдинга олиб чиқди. Бу гол ямайкалик футболчиларнинг ЕЧЛдаги дастлабки голи бўлди. Иккинчи бўлимда эса Марк Олбрайтон томонидан киритилган гол ҳисобдаги фарқни иккитага етказди.

Учрашувнинг 74-дақиқасида «Севилья» бир киши кам бўлиб қолди. Самир Насри Жейми Варди билан тортишиб қолгани натижасида сариқ карточка ишлаб олди. Бу француз футболчисининг иккинчи сариқ карточкаси эди. Аммо шунга қарамасдан, меҳмонларда гол киритиш имконияти юзага келганди. Бироқ Стивен Нзонзи 80-дақиқада амалга оширган пенальтини Каспер Шмейхель бартараф этиб, кетма-кет иккинчи марта «Севилья»нинг бу нуқтадан берган зарбасини қайтарган илк дарвозабонга айланди. 

Натижада «Лестер» ушбу ғалабани ушлаб қолди ва Англиядан чорак финалга йўлланма олган 8-жамоа бўлиб тарихга кирди.

ЕЧЛ, 1/8 финал
Жавоб учрашувлари

Лестер (Англия) – Севилья (Испания) 2:0 (1:0)
Голлар: 
Морган(27), Олбрайтон (54).
Лестер: Шмейхель, Морган, Фукс, Симпсон, Ҳут, Дринкуотер, Ндиди, Олбрайтон, Маҳрез (Амарти, 90), Оказаки (Слимани, 64), Варди.
Севилья: Рико, Пареха, Рами, Эскудеро, Меркадо (Мариано, 46), Нзонзи, Сарабия (Йоветич, 46), Насри, Иборра, Витоло, Бен-Йеддер (Корреа, 68).
Огоҳлантиришлар: Насри (18), Витоло (59), Варди (74), Шмейхель (79), Ндиди (84), Марез (89).
Четлатиш: Насри (74, Севилья).
Дастлабки учрашув: 1:2