Iroqning Tiqrit shahri markazida portlovchi moddalar bilan to‘ldirilgan avtomobilning portlashi oqibatida 7 kishi halok bo‘ldi va yana 43 kishi jarohat oldi, deb xabar bermoqda Al Sumaria telekanali.
Tiqrit IShID terrorchilik guruhi jangarilari tomondan 2014 yil iyunida bosib olingan. Iroq hukumati 2015 yil 31 mart kuni shahar ustidan nazoratni tiklagan.
Ushbu terakt uchun javobgarlikni hech qaysi bir terrorchilik guruhi o‘z zimmasiga olmagan, biroq Iroqdagi aksariyat hujumlarni IShID amalga oshiradi.
