Janubiy Koreyaning impichment tufayli chetlatilgan prezidenti Pak Kin Xe prokuratura tomonidan 21 mart kuni korrupsiya bo‘yicha ish yuzasidan so‘roq qilinadi. Bu haqda «Ryonxap» axborot agentligi xabar bermoqda.
«Biz chaqiruv qog‘ozini oldik va tergov bilan hamkorlik qilamiz», - deya ma'lum qildi Janubiy Koreya sobiq prezidenti rasmiy vakili.
Pak Kin Xe so‘roqqa 21 mart kuni mahalliy vaqt bilan 9:30da kelishi kerak.
Avvalroq sobiq prezident Janubiy Koreya fuqarolaridan uzr so‘ragani haqida xabar bergandik.
10 mart kuni Janubiy Koreya konstitutsiyaviy sudining barcha sakkiz nafar sudyasi Pak Kin Xening impichmenti haqidagi parlament qarorini qo‘llab-quvvatladi.
