Nuz.uz хабарига кўра, воқеа 2015 йилнинг ноябрь ойи охирларида Сергели туманининг Спутник 8 мавзесида рўй берган. 14 ва 17 ёшли ўспиринлар 12-рақамли уй олдида кечки соат 10-00да уйга қайтаётган 35 ёшли аёлнинг йўлини тўсиб, уни зўрлашган ва дўппослашган.

Сергели ИИБ ходимлари  қисқа вақт ичида шубҳа остига олинганларни қўлга олган. Улардан бири бизнес ва туризм коллежи талабаси, иккинчиси бўлса, бундан аввал ҳам ўғрилик ва босқинчилик каби жиноятларда айбланган ўрта мактабнинг 7-синф ўқувчиси экани аниқланган.

«Бу боланинг оиласи нотинч. У мактабга деярли қатнамаган, доимий равишда ўғрилик жиноятлари иштирокчисига айланган.Бироқ у бир марта маълум турар-жойга эга бўлмаган кишини аёвсиз дўппослаган», - дея айтиб ўтди Сергели ИИБнинг вояга етмаганлар иши бўйича инспектори.

Зўрлаш ҳолати бўйича айбланган ҳар икки ўспирин ҳозирда жазога тортилган. Маълумотларда айтилишича, 2016 йилда тергов якунланган  ҳамда суд муҳокамалари давомида зўравонлардан бири 18 ёшга тўлганидан кейин умумий тартибдаги жазони ўташ колониясига жўнатилган.Балоғатга етмаган иккинчи ўсмир эса болалар колониясида 5 йилгача озодликдан маҳрум этилиши белгиланган.