WhatsApp ва Telegram мессенжерларининг веб-версиялари WhatsApp Web ва Telegram Web’да фойдаланувчининг шахсий маълумотлари бутлигига хатар солувчи хавфли хато аниқланди. Бу ҳақда Check Point Software Technologies матбуот хизматида маълум қилинди.

Хакер ушбу заиф жойдан фойдаланиб, жабрланувчига сурат остига ниқобланган зарарли код юборади. Фойдаланувчи сурат устига босганда хакер фойдаланувчининг шахсий маълумотларига кира олади, сўнгра бу кодни унинг барча контактларига юбориши мумкин ва шу тариқа катта миқёсдаги ҳужумни амалга ошира олади. 

Check Point маълумотларига кўра, айни вақтда WhatsApp ва Telegram муаммони бартараф этиш устида ишламоқдалар.