Асаджон Хўжаев ОАВ, маънавият ва маърифат, маданият, санъат ва ижодий ташкилотларни ривожлантириш масалалари бўйича давлат маслаҳатчиси ўринбосари лавозимига тайинланган. Шу билан бирга у Ўзбекистон Президентининг матбуот хизматига раҳбар ҳисобланади. Бу ҳақда «Кун.uz» манбаси маълумот берди.

Бунга қадар Асаджон Хўжаев бош вазир ижро этувчи аппарати раҳбари сифатида ишлаб келаётганди.

Ундан олдинроқ Алишер Навоий номидаги Ўзбекистон Миллий кутубхонаси директори сифатида фаолият кўрсатган.

У 1970 йилда Чимкентда туғилган, миллати ўзбек. 1993 йилда Тошкент электротехника алоқа институтини (ҳозирги ТАТУ) тамомлаган. Турли йилларда Интеллектуал мулк агентлиги бош директори, Ўзбекистон алоқа ва ахборотлаштириш агентлиги бош директори ўринбосари, «Ўзбекистон почтаси» компанияси бош директори ўринбосари лавозимларида ишлаган.