Ўзбекистондаги дори воситалари бир қатор хориж давлатларига экспорт қилинмоқда

Иқтисодиёт 16 Март 2017 3917
Фото: Kun.uz

Соғлиқни сақлаш вазирлиги вакиллари билан "Аҳолини арзон ва сифатли дори-дармон билан таъминлаш тиббиёт тизимида ўтказилаётган ислоҳотларнинг бош мақсадларидан биридир" мавзусида бўлиб ўтган матбуот анжуманида журналистлар Ўзбекистонда ишлаб чиқарилаётган дори-дармонлар сифатининг талабга жавоб бериши қай даражада эканлиги билан қизиқишди. 

Соғлиқни сақлаш вазирлиги вакилларининг сўзларига кўра, республикамиздаги 147 та ишлаб чиқариш корхоналарида сифат назорати йўлга қўйилган. Ҳар бир дори воситаси ёки тиббиёт буюми мавжуд 8 та мустақил сертификатлаш ташкилоти томонидан сертификатланиши таъкидланди. 

Шунингдек маҳаллий дори-дармонларнинг юқори сифати уларни бир қатор хорижий мамлакатлар - АҚШ, Франция, Германия, МДҲ ва қўшни мамлакатларга экспорт қилиш имконини бераётганига эътибор қаратилди. 

Фото: Kun.uz

Шунингдек, шифохоналар биноси олдида дорихоналарнинг бўлиши ёмон кўрсаткич эканлиги, бу шифохонада зарур дори воситаларининг етишмаслигини тан олишликдан далолат бериши ҳақида фикр билдирилди. Шифохона ёнида дорихона бўлгандан кўра тиббиёт муассасасининг ўзида бу дори воситалари ва тиббиёт буюмларининг бўлиши мақсадга мувофиқ бўлиши таъкидланди. 

Дорихоналарда электрон хизматларнинг йўлга қўйилиши борасидаги саволга, вазирлик вакили қонунга кўра, дори воситаларининг Интернет орқали сотилиши мумкин эмаслигини қайд этди. Умуман дориларнинг шифокор рецептисиз берилишига салбий муносабат билдирилди, зеро ҳар бир дори шифокор белгилаган дозада ва тартибда қўлланиши керак. Шу ўринда ривожланган хорижий мамлакатлар тажрибасига тўхталиб ўтилди - хорижда дори воситалари дорихоналардан қўйиб юборилишидан аввал маълумотлар базасидан ҳақиқатда шифокор айнан шу дориларни кўрсатилган дозада белгилаганми ёки йўқ - кўздан кечиради. Келгусида бизнинг юртимизда ҳам шундай тизимлар йўлга қўйилишига умид билдирилди. 

Шунингдек республикамизда кўчма дорихоналар ташкил этилаётгани, уларнинг ҳар бири кондиционер, музлатгич каби зарур техник қурилмалар билан таъминлангани қайд этилди. 

Бундан ташқари, Ўзбекистонда янги, дунёда ўхшаши йўқ оригинал дори воситалари яратилаётгани таъкидланди. 

Кун янгиликлари
Шимолий Корея танглиги: АҚШ бу таҳдид олдида чорасизми?
19:52 / 22.04.2017 38638 Жаҳон
Ҳафталик: Олмазорга ташриф, ФСБ томошаси, Эрдўған ғалабаси, ҳайратда қолган Душанбе, янги қўмита ва ҳокимлар
19:47 / 22.04.2017 25137 Жаҳон
Беш мсье ва бир мадам: Франция президентлигига номзодлар ва уларнинг дастури
16:15 / 22.04.2017 6451 Жаҳон
Ўзбекистон-Туркманистон-Қозоғистон: янги учбурчак шаклланадими?
16:01 / 22.04.2017 35680 Ўзбекистон
Жигарни асраш учун нималарни билиш керак?
14:40 / 22.04.2017 38035 Жамият
Мбаппе Месси ва Роналдудан зўрроқ эканига 5 исбот
10:20 / 22.04.2017 34289 Спорт
Туркия Миллий суверенитет ва болалар кунини нишонламоқда
16:37 100 Жаҳон
Донбассда ЕХҲТ автомобилидаги портлаш оқибатида бир киши ҳалок бўлди
16:22 316 Жаҳон
Элчи: Ўзбекистон Хитойда ахборот агентлиги очиши мумкин
Ҳавони табиий йўл билан тозаловчи энг яхши 10 ўсимлик
15:59 1137 Lifestyle
Кўпроқ янгиликлар