15 мартдан бошлаб Туркия россиялик экспортчиларга макка, буғдой ва кунгабоқар кунжарасига бож киритди, деб хабар бермоқда "Интерфакс" ахборот агентлиги. 

Россия аграр бозори конъюнктураси институти бош директори Дмитрий Рильконинг айтишича, Анқара "бир қатор давлатлар ва биринчи навбатда Россияга лицензиялар беришни тўхтатган". Унинг айтишича, россиялик экспортчиларга 130 фоизлик бож солинади.

Ахборот агентлигининг таъкидлашича, Россия қишлоқ хўжалиги маҳсулотлари экспортчиларининг миллий уюшмаси Россия қишлоқ хўжалиги вазири Александр Ткачевга "Туркияга Россияда ишлаб чиқарилган қишлоқ хўжалиги маҳсулотларининг ҳеч қандай тўсиқларсиз экспорт қилинишини қайта жорий қилиш учун тезкор чоралар кўриш" талаби билан мурожаат қилган.

2016 йил июлидан 2017 йил февралигача Туркия Россиядан 2 млн тонна буғдой импорт қилган. 2015-2016 йилларда бу миқдор 3,1 млн тоннани ташкил қилганди.