2017 йилда Ўзбекистонда янги газ конларини ўзлаштириш бошланади

Ўзбекистон 18 Март 2017 20713

New Silk Road Oil & Gas Company Ltd Ўзбекистон-Хитой қўшма корхонаси 2017 йилнинг иккинчи ярмида Қоракўл инвестиция блокидаги конларни (Бухоро вилояти) жиҳозлаш ва у ерда газ олишни бошлайди. Бу ҳақда 2017 йил учун мўлжалланган инвестиция дастурида айтилган.  

Дастурга кўра, 377,5 млн долларлик лойиҳанинг "Хўжасайёд газ-конденсат конининг Денгизкўл участкаси, Хўжадавлат ГКК ва Шарқий Олат ГККни жиҳозлаш" техник-иқтисодий асосланиши ҳукумат томонидан тасдиқланди.

Техник-иқтисодий асосланишга кўра, конларда лойиҳавий қувватларга чиққанда ҳар йили 869,6 млн куб метр табиий газ ва 6,4 минг тонна конденсат олинади. 

Конларни жиҳозлаш бўйича пудратчи сифатида Хитойнинг CNPC компанияси шўъба корхонаси China Petroleum Engineering & Construction Corporation (CPECC) белгиланди, у Қоракўл инвестиция блокидаги газ конларини ишга тайёрлаш учун уларни лойиҳалаш, моддий-техник таъминлаш, инфратузилма объектларини қуриш ва фойдаланишга киритишни амалга оширади.  

Қоракўл инвестиция блокидаги 11 та эксплуатацион қудуқни қуришни XIBU Drilling Engineering Company Ltd, таъмирлаш ва синовдан ўтказишни China National Logging Corporation амалга оширади.

Лойиҳа CNPC кафолати остидаги Хитой кредитлари ҳисобига молиялаштирилади.

2006 йилда Хитойнинг нефть ва газни қидириш ва ўзлаштириш бўйича миллий корпорацияси (CNODC, CNPC таркибига киради) "Ўзбекнефтгаз" билан Устюрт, Бухоро-Хива ва Фарғона нефть-газ ҳудудларидаги 5 та инвестицион блокда 5 йил давомида геологоразведка ишларини ўтказиш бўйича келишувни имзолаганди. Лойиҳани амалга ошириш учун CNPC Silk Road Group оператори ташкил этилган.

2011 йилда Хитой компанияси геологоразведка бўйича барча ишларни тўлиқ бажарган. Натижада Қоракўл инвестиция блокида газ қазиб олиш учун истиқболли учта кон аниқланган. Конлардаги захиралар ҳажми маълум қилинмаган.  

Айни вақтда CNPC Ўзбекистонда Туркманистон-Хитой газ ўтказиш тизимининг Ўзбекистондаги қисмини қуриш ва эксплуатациясини амалга оширишда иштирок этмоқда.    

Кун янгиликлари
Саратон - сўнгги ҳукм эмас! ACIBADEM клиникаларида онкологияни даволашнинг янги усуллари
09:54 10130 Lifestyle
Вақтни ва пулни тежашнинг энг осон йўли – бугун жўнатинг, эртага олинг
Ўзбекистонда газ ва электр энергияси учун тўлов қилишнинг янги тартиби жорий этилмоқда
22:48 / 29.05.2017 51599 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 149871 Жамият
ЖССТ: кашандалик ҳар йили 7 млн кишининг умрига зомин бўлади
17:46 0 Жаҳон
Сайёр қабуллар давом этмоқда: Сурхондарё ва Андижон вилоятлари
17:37 263 Жамият
Google ҳаммуассиси дунёдаги энг катта дирижабль устида ишламоқда
«Манчестер Сити» ёзда агрессив трансфер сиёсати юритади, Гвардиоланинг шорт-листида номлар кўп
17:27 437 Спорт
Бухорода бир кунда 2 та мудҳиш қотиллик қайд этилди
17:22 2636 Жамият
Афғонистоннинг собиқ президенти АҚШга жиддий айблов қўйди
16:50 4625 Жаҳон
Кўпроқ янгиликлар