Москва кўчаларида янги авлоддаги "Витязь-М" трамвайлари пайдо бўлди. Туби паст трамвайлар Останкинодан Медведковога қатнамоқда. Ҳозирча Москвада Россияда ишлаб чиқарилган бу трамвайлардан 13 таси ҳаракатланмоқда. Бу трамвайлар кенг эшиклар, юқори қулайлик, шовқин изоляцияси, климат-контрол, сунъий йўлдош навигацияси ва кузатув камераларига эга. Трамвай юришининг равонлиги алоҳида таҳсинга сазовор. 

Трамвайнинг тележкаси (юрувчи қисми) юришни нафақат йўловчилар учун комфорт қилади, балки рельслар учун ҳам хавфсиз қилади, чунки улар камроқ ейилади. Трамвайларда турникетлар бўлмайди, яъни йўловчилар исталган эшикдан чиқиб-тушишлари мумкин бўлади. Бунинг эвазига йўловчиларни олиш ва тушириш тезлиги беш мартага ошади. Трамвай вагони ўз ичига 260 нафаргача одамни сиғдира олади.