Интернетда самолётнинг ён тарафдан кучли шамол эсганда Boeing 737 самолёти учувчилар кабинасида нималар юз бериши тасвирланган видео оммалашмоқда. Роликни Facebook’да Ryanair авиакомпанияси самолёти сардори, польшалик учувчи Артур Килак жойлаштирди.  

Видеода вазмин учувчи қўлидан чиқиб кетаёзгудек бўлиб у ердан бу ерга бориб келаётган штурвални бир қўлида ушлаганча, иккинчи учувчи билан кулишиб гаплашаётганини кўриш мумкин.

"Мен учувчи ойлик маошини фақат бир қўниш учунгина олади, деб ҳар доим айтаман. Мана, мен бу маошимни айнан шу куни ишлаб топдим... Boeing 737’ни мураккаб шароитларда ҳам барқарор қолишини яхши кўраман", деб изоҳ берилган видеога.

Ушбу пост икки кун ичида бир неча минг лайк ва репостлар тўплаган. Кўпчилик фойдаланувчилар учувчининг моҳирлигига тан беришган. Бошқалар эса улар кейинги гал қаергадир учишганда, уларнинг самолётини айнан шундай моҳир учувчи бошқаришига умид қилиб қолишган.