АҚШ президенти Дональд Трамп ўзининг Facebook саҳифасида Германия федерал канцлери Ангела Меркель билан, унинг Оқ уйга расмий ташрифи чоғида кўришгани акс этган суратни жойлаштирди. 

«Бугун мен учун канцлер Меркелни Оқ уйда қарши олиш шараф бўлди. Халқларимизнинг умумий жиҳатлари жуда кўп ва бизнинг иттифоқимиз бутун дунё учун тимсолдир», — дейилади суратга берилган изоҳда. 

Аввал хабар берганимиздек, Трамп Овал хонада журналистлар ва Германия канцлерининг илтимосига қарамай Меркель билан кўришмаган эди. 

Икки давлат раҳбарларининг Овал хонада кўришиши анъанага айланган. Ҳозирча, бу Америка етакчисининг кўришишни хоҳламагани ёки журналистлар илтимосини эшитмагани билан боғлиқми, номаълумлигича қолаяпти.