Ўзбекистон Меҳнат вазирлигининг ташқи меҳнат миграцияси бўйича Агентлиги Россиядаги заводлардан бири билан шартнома имзолади

Иқтисодиёт 18 Март 2017 10472

Ўзбекистон Меҳнат вазирлиги ўз функция ва ваколатларига мувофиқ мамлакат ичида ҳам, ташкилий танлов тизими йўлга қўйилаётган хорижий мамлакатларга республика фуқароларини юбориш орқали ҳам аҳоли бандлигини таъминлаш бўйича фаол ишламоқда.

2007 йилда тузилган қонуний меҳнат миграцияси соҳасидаги ҳукуматлараро келишув ўтган йиллар давомида Ўзбекистоннинг ўн минглаб фуқароларига Жанубий Кореяда ишлаш ва саноатнинг турли соҳаларидаги замонавий асбоб-ускуналардаги иш кўникмаларини олишга имкон берди. Қайтганларнинг кўпчилиги, бугун республиканинг етакчи корхонларида ўз фаолиятини муваффақиятли давом эттирмоқда, уларнинг баъзилари эса Жанубий Кореядаги ишлаб чиқариш нусхасини яратишга ҳам эришди.

2016 йил давомида Ўзбекистон Меҳнат вазирлиги томонидан мамлакатимиз фуқароларини Япония ва Польшага ташкилий танлови учун келишув имзоланди ва у фаол равишда амалга оширилмоқда. Шунингдек Россия Федерацияси билан меҳнат миграцияси соҳасида ҳукуматлараро келишув имзоланиши кутилмоқда. Туркия, Малайзия, Уммон Султонлиги ва бошқа давлатлар билан тегишли музокаралар ўтказилмоқда.

Шу билан бирга, Ўзбекистон Меҳнат вазирлигининг ташқи меҳнат миграцияси бўйича агентлик бошқа давлатлардаги аниқ ҳудудлар ҳамда иш берувчилар билан алоқалар ўрнатиш бўйича иш олиб бормоқда. Хусусан, ўтган йилнинг декабрида «Вологодский подшипниковый завод» директори ўринбосари В.В.Попов билан Тошкентда учрашув ўтказилди. Унинг давомида ишчиларни қўшимча равишда ишга олиш ҳақидаги келишувга эришилди.
 
2017 йилнинг 28 февраль куни Агентлик ва «Вологодский подшипниковый завод» ўртасида Ўзбекистон Республикаси фуқароларини меҳнат фаолиятини амалга ошириш учун жалб этиш ҳамда ёллаш бўйича Келишув имзоланди. Келишувда Ўзбекистон Республикасидан бўлган меҳнат муҳожирларнинг ижтимоий ҳимояси, иқтисодий ва бошқа ҳуқуқлари кафолатлари назарда тутилган. Келишув шунингдек тиббий текширув, таълим, ёллаш босқичлари, меҳнат шартномаси талаблари ва ундаги бандлар, ишчи ҳаёти ва соғлиғи ҳимояси тартибини ҳам назарда тутган. Энг муҳими, меҳнат муҳожирининг Россияга киришига қадар у билан меҳнат шартномаси имзоланади ҳамда у Россия Федерацияси меҳнат қонунчилиги нормаларига тўғри келади.

Келишувга кўра, россиялик иш берувчи Ўзбекистон фуқароларини ишга олиш учун мутахассисликлар рўйхати, малака даражаси ва бўш иш жойлари ҳажмини аввалдан аниқлайди, Агентликни бўш иш ўринлари ва ишчиларга талаблар ҳақида хабардор этади.

Танловдан сўнг россиялик иш берувчи Россия Федерациясининг ваколатли давлат идораларида меҳнат муҳожирларининг қонуний асосда меҳнат фаолиятини олиб бориш учун керакли бўлган ҳужжатларни олишини таъминлайди, Россия ҳудудида ишга жойлашиш билан боғлиқ бўлган бошқа сарф-харажатларни қоплашни таъминлайди.

Ўз навбатида, Агентлик «ВПЗ» ва меҳнат муҳожирлари ўртасида имзоланган меҳнат шартномалари бажарилишини назорат қилади.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар