Бугун, 2017 йилнинг 18 март куни Uzmobile миллий оператори томонидан ОАВ вакиллари учун брифинг ташкил этилди.

Брифингда қайд этилишича, эндиликда Uzmobile абонентлари учун интернет тармоғида Ўзбекистон Президентининг Виртуал қабулхонаси (pm.gov.uz), Ягона интерактив давлат хизматлари портали (my.gov.uz), Ўзбекистон Республикасининг Ҳукумат портали (gov.uz), шунингдек барча давлат органлари сайтларига бепул уланиш имкони тақдим этилади.

Мазкур ташаббус Uzmobile миллий оператори, Ахборот технологиялари ва коммуникацияларини ривожлантириш вазирлиги ҳамда “Электрон ҳукумати” тизимини ривожлантириш маркази билан ҳамкорликда ташкил этилди. 

Маълумотларга кўра, 2017 йилда аҳоли турмуш тарзини қулай бўлишига хизмат қиладиган 50 дан зиёд муҳим хизматлар интерактив шаклга ўтказилади.