Америкалик комик актёр Бен Стиллер Сомалида очликдан азият чекаётганларга 1 млн доллардан кўпроқ маблағ йиға олди.

17 март куни у интернетда барча бефарқ бўлмаган одамларга очликдан азият чекаётган сомалиликларга бир оз пул хайр-эҳсон қилишни сўраб видео орқали мурожаат қилган.

Акция номи "Сомали учун муҳаббат армияси" деб номланган. Даставвал 1 млн долларни йиғиш учун 10 кун берилган, бироқ, актёрнинг таажжубига, бу қиймат бир кундан камроқ вақт ичида тўпланган.

Таъкидланишича, тўпланган маблағлар 60 тонна озиқ-овқат харид қилиш учун етарли бўлади.