Германияда муҳожирларнинг қайси миллатга мансублигини овоз бўйича текширувчи тизим синовдан ўтказилмоқда

Жаҳон 19 Март 2017 3104
Фото: Getty Images

Германиянинг муҳожирлар ва қочқинлар ишлари бошқармасида муҳожирларнинг қайси миллатга мансублигини текширувчи компьютер дастури ўзларини сурияликлар қилиб кўрсатаётган муҳожирлар йўлида самарали тўсиқ бўлишига умид қилинмоқда. Германияда Суриядаги воқеалар сабабли бу давлат фуқароларига бошқа давлатлар фуқароларига нисбатан яхшироқ муносабат билдирилади. Шунинг учун қалбаки Сурия паспортлари Германияда сиёсий қочқин мақомини олишни истовчилар орасида катта талабга эга.

Фирибгарларни аниқлашнинг усулларидан бири оғзаки нутқини таҳлил қилиш ҳисобланади. Ҳозир Германия ҳукумати муҳожир ўз паспортида кўрсатилган давлатга ҳақиқатан ҳам мансублигини овоз бўйича аниқ ва тез аниқловчи дастурга эга бўлишга умид қилмоқда.

Ушбу компьютер дастури қочқинлар миллатини текширишнинг қолган усулларини тўлдиради. Германия охирги икки йил ичида ўзининг "очиқ эшиклар" сиёсати эвазига Осиё ва Африка давлатларидан миллиондан кўпроқ қочқинни қабул қилган. Германия ҳукуматининг таъкидлашича, у ҳозирда бу муҳожирлардан ярми билан нима бўлгани, улар қаерда яшаётгани ва нима билан шуғулланаётганидан бехабар.

Кўпроқ янгиликлар