19:36 / 19.03.2017
6553

Kuvaytda AQSh va Fors ko‘rfazi arab davlatlarining birgalikdagi mashg‘ulotlari boshlandi

Kuvaytda AQSh va Fors ko‘rfazi arab davlatlari hamkorlik kengashi davlatlarining Yaqin Sharq mintaqasidagi eng yirik mashg‘ulotlari boshlandi. Bu haqda Kuvayt qurolli kuchlari bosh shtabi boshlig‘i general-leytenant Muhammad al-Xodir ma'lum qildi. 

"Mashg‘ulotlar AQSh va Fors ko‘rfazi arab davlatlari hamkorlik kengashi davlatlari o‘rtasidagi mudofaa sohasidagi hamkorlikni mustahkamlashga yo‘naltirilgan", deb aytgan al-Xodir va "Qat'iy burgut" deb shartli nom olgan bu mashg‘ulotlar 14-marotaba o‘tayotganini va 6 aprelda tugashini ma'lum qilgan. 

Mashg‘ulotlardan maqsad tajriba almashish, birgalikdagi xavflarga qarshi kurashda davlatlar o‘rtasida o‘zaro harakatlarni chuqurlashtirish, mudofaa sohasidagi hamkorlikni mustahkamlashdan iborat. Mashg‘ulotlar Kuvayt hududida bir necha bosqichda, jumladan birgalikdagi tezkor rejalashtirish, ko‘mondonlik-shtab mashg‘ulotlari, harbiy-havo kuchlari, flot va quruqlikdagi qismlarni jalb qilgan holda dala mashg‘ulotlari o‘tkaziladi. Mashg‘ulotlarga shuningdek Kuvayt ichki ishlar vazirligi va Milliy gvardiya, bir qator davlat muassasalari va departamentlari xizmatchilari jalb qilinadi. 

Mashg‘ulotlarda AQSh va Fors ko‘rfazi arab davlatlari hamkorlik kengashi davlatlari harbiy qo‘mondonligi vakillari ishtirok etishadi. 

Fors ko‘rfazi arab davlatlari hamkorlik kengashiga Saudiya Arabistoni, Kuvayt, Bahrayn, Ummon, BAA va Qatar kiradi. 

Top