Саддам Ҳусайнга 40 марта рад жавоби қайтаришди

Жамият 19 Март 2017 31475

Ироқнинг собиқ президенти Саддам Ҳусайннинг ҳиндистонлик адаши 2 йилдан буён ўзига иш топа олмаяпти ва исмини ўзгартириш учун судга мурожаат қилишга мажбур бўлди. Бу ҳақда Hindustan Times нашри хабар тарқатди.

Саддам Ҳусайн 2003 йилнинг апрелида АҚШ ва Буюк Британия ҳарбийлари бошчилигидаги халқаро коалиция кучларининг Ироққа ҳужуми ортидан ҳукуматдан ағдарилган эди. Ироқ Олий суди уни 1982 йили Ад-Дуджейл қишлоғида 148 нафар кишини оммавий қирғин қилганликда айблаб, ўлим жазосига маҳкум этган ва у 2006 йилнинг декабрида қатл этилган эди.

"Одамлар ҳамиша мени ёллашга қўрқишмоқда", — дея ҳиндистонлик Ҳусайннинг сўзларини келтирган газета. Унинг сўзларига кўра, у "бошқа жиноятчи туфайли вазият қурбони"га айланган. Ҳусайннинг айтишича, у кемачилик компанияларига ишга ёлланмоқчи бўлганида 40 марта рад жавоби олган ва узоқ вақт давомида бунинг сабабини тушунмай келган.

"Шундан сўнг, мен компанияларнинг кадрлар бўлимларига мурожаат қила бошладим, улардан баъзилари жавоб беришди. Гап менинг исмимда экан", — деган ҳиндистонлик.
Нашрнинг ёзишича, у энди исми Саджид бўлишини ва шуни тасдиқловчи зарур ҳужжатларни олишни истамоқда. Лекин ҳозирча университет унинг дипломдаги исмини ўзгартирмоқчи эмас, бунинг учун ундан 10 ва 12- синфларни битиргани ҳақидаги гувоҳномадаги исми ўзгартирилиши талаб қилинмоқда.

Саддам Ҳусайн Ўрта таълим бўйича марказий органга мактабни битиргани тўғрисидаги гувоҳномадаги исмини ўзгартиришни сўраб мурожаат қилган, аммо жавоб олмаган. Шу масалада у Жаркҳанд штати судига ҳам юзланган. Суд тинглови шу йилнинг 5 майида бўлиб ўтади.

Кун янгиликлари
Гўшт қимматлашгани ҳақидаги мақолага акс-садо: «Фермерларга тегманг!»
16:40 / 23.05.2017 59593 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 116910 Жамият
Непал бош вазири истеъфога чиқди
18:13 123 Жаҳон
Навальний Усмоновга: “Ўзингизга ортиқча баҳо берманг, сиз энг муҳим шахс эмассиз”
17:51 3515 Жаҳон
Имомали Раҳмон Дональд Трампни унинг кўришиш услубида мағлуб этди
17:46 4158 Жаҳон
Фарғоналик аёллар спорт машғулотларида мунтазам қатнашмоқда
17:30 641 Жамият
Трамп хорижий сафари маршрутида географик хатога йўл қўйди
17:20 5638 Жаҳон
2017 йилда ғалладан бўшаган 950 мингдан ортиқ гектар майдонларга такрорий экин экилади
Соғлиқни сақлаш вазири ЖССТнинг янги раҳбари билан учрашди
АҚШ ғарбий соҳилларида рўй берган кўчки йирик магистрални тўсиб қўйди
16:57 1485 Жаҳон
Кўпроқ янгиликлар