Зидан: «Ҳар қандай футболчи каби Роналду ҳам захирага олиниши мумкин»

Спорт 19 Март 2017 9920

«Реал» жамоаси бош мураббийи Зинеддин Зидан Испания чемпионатининг 28-тури доирасида «Атлетик»га қарши кечган ва 2:1 ҳисобидаги ғалаба билан якунланган ўйиндаги ҳолат юзасидан фикрларини билдириб ўтди. У жамоа ҳужумчиси Криштиану Роналдуни ўйиннинг 79-дақиқасида майдондан олган ва унинг ўрнига Искони туширганди.

«Яна 11 тур қолди. Биз пешқадамлик қиляпмиз, аммо ҳали ҳеч нарса аниқ эмас.

«Реал» қийин кечган сафар ўйинида ғалаба қозонди. Рақиб бизга кўп муаммо туғдирди, аммо жамоамиз характер кўрсатди. Ҳали олдинда қийин ўйинлар кўплигини биламиз.

Бензема яхши ўйин ўтказди. Ўйин сўнгида 4-4-2 схемасига ўтишимизга тўғри келди.

Ўйинчи алмаштиришлар ҳақида тўхталадиган бўлсам, Роналду билан боғлиқ ҳолат ҳақида хавотир олишга ҳожат йўқ. Криштиану ҳам ҳар қандай футболчи каби захирага олиниши мумкин. У норози эмас, боиси, биз ғалаба қозондик. Мана шундай.

Жамоа 4-4-2 схемасига ўтиши учун Васкес майдонга туширилди. Шундай ҳолатда барча ҳимояда ҳаракатланади. Бу рақибдан ортга чекинишимизни билдирмайди. Ўз ўйинимизни мувозанатга солишни истагандим.

Бэйл, Роналду ва Бензема бугун кўп куч сарфлашди. Шунинг учун Криштиану ва Карим ўрнига Иско ва Моратани туширдик», – дея Зиданнинг сўзларини келтирган Marca.

Бундан олдинроқ Роналду «Атлетик»ка қарши ўйин вақтида захирага олингани учун норози бўлгани ҳақида хабар берилганди.

Кун янгиликлари
Artel кондиционерини танлаймиз: афзалликлар, янгиликлар
12:27 / 23.05.2017 10367 Технология
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 112340 Жамият
АҚШда ҳавога кўтарилаётган йўловчи самолётининг двигатели ёниб кетди
09:10 0 Жаҳон
Ўзбекистон Давлат статистика қўмитасига янги раҳбар тайинланди
Расман: Вальверде «Атлетик»дан кетади
08:44 327 Спорт
АҚШ ракеталарга қарши мудофаа дастурларига 7,9 млрд доллар ажратмоқчи
08:42 292 Жаҳон
Коке «Атлетико» билан шартномасини узайтирди
08:36 205 Спорт
МДҲ махсус хизматлари Сурия ва Ироққа кишиларни юбориш бўйича канални йўқ қилишни муҳокама қилади
08:32 705 Жаҳон
Оқ уй: Терроризмга қарши коалиция ташкил этиш барча динлар вазифасидир
08:23 316 Жаҳон
Манчестердаги терактдан кейин бир қатор давлатларда хавфсизлик чоралари кучайтирилди
08:16 712 Жаҳон
Кўпроқ янгиликлар