Британиядаги кийим ишлаб чиқарувчи йирик компаниялардан бири бўлмиш Marks & Spencer Google компанияси хизматларига реклама жойлаштиришдан бош тортди. Sky News хабарига кўра, бунга компания тасарруфидаги YouTube видеоҳостингига экстремистик характердаги материаллар жойлаштирилгани сабаб ҳисобланади.

"Бренд манфаатлари учун биз Google платформаларидаги фаолиятимизни тўхтатамиз", дейилган компания хабарида.

Худди шу сабаб билан шундай қарор Royal Bank of Scotland (RBS Group), HSBC ва Lloyds каби банклар, Британиядаги McDonald's бўлими томонидан ҳам қабул қилинган.