Эрдўған Туркияга нима учун Олимпиада мезбонлиги берилмаслигини билишини айтди

Жаҳон 20 Март 2017 10598

Туркия президенти Ражаб Тойиб Эрдўған сиёсат ва спортга параллел баҳо берди. У Истанбулда футболга бағишланиб ўтказилган халқаро саммитда чиқиш қилиб, сиёсат ва спортда ўхшаш жиҳатлар борлигини, рақобат ва мусобақа бу соҳаларни умумийлаштириш ҳақида айтиб ўтган.

«Сиёсатда ҳам ғалаба қозониш футболдагига ўхшайди. Бунинг учун жамоавий иш олиб бориш керак. Кучли жамоани шакллантириш керак бўлади. Агар олдиндан ўйланмаган қадамлар ташланса, тўғри тактика ва стратегия танланмаса, спортда ҳам ғалаба эҳтимоли жуда паст бўлади. Худди шундай таърифни сиёсатчилар ва партиялар фаолиятига ҳам қўллаш мумкин», - деган Туркия президенти.

У сиёсатда биринчи босқичда сайловларда ғалаба қозониш кераклиги, шундан сўнг сайловчилар олдидаги мажбуриятлар бажарилиши лозимлиги ҳақида гапирган.

Президент зўравонлик ва адолатсизлик спортга қандай таъсир кўрсатса, ёлғонлар, туҳмат ва фактларнинг бузиб кўрсатилиши сиёсий рақобат муҳитига шундай таъсир кўрсатишини қайд этиб ўтган. 

«Афсуски, бундай ҳолат Туркия сиёсатида тез-тез кузатилади. Мен ўзимнинг 40 йиллик фаолиятимда халққа хизмат қилишга ва сиёсатдаги бундай ҳолатларга қарши туришга уриндим», - деган у.

Эрдўған Туркия ҳукумати спортдаги ноҳақликлар даражасини камайтириш учун зарур чоралар кўришга тайёрлигини маълум қилган.

«Бунинг учун мамлакат қонунчилигига ўзгартиршлар киритилиши режалаштирилган. Ўзгаришлар лойиҳаси мамлакат футбол федерацияси ва клублар раҳбарияти билан келишган ҳолда тузилади. Ўйлайманки, парламент ҳам бундай ўзгаришларни эътирозсиз қабул қилади», - деган президент. 

Туркия президенти халқаро спорт тизимидаги иккиёқлама стандартларга тўхталган ва бу ҳолатни танқид қилган.

«Туркияда шу вақтгача Олимпия ўйинлари ўтказилмади, бунинг сабабини биламиз. Саҳна ортида жиддий ўйинлар кетади», дея қайд этган Эрдўған.

У Туркия ўз вақтида Олимпиадани қабул қилиш шартларини бажарган бўлсада, рад этилганини эслаган. Олимпиада ўрнига Туркияга аввал ҳам ўтказилган мусобақа мезбонлиги берилган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27912 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14813 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55926 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 314 Жаҳон
Reuters: АҚШ Мисрга ҳарбий ёрдам бермайдиган бўлди
00:34 357 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1587 Жамият
Германияда Трамп боши шаклидаги гиёҳванд моддали таблеткалар аниқланди
00:21 381 Жаҳон
Сербия Ҳиндистон ва Эрон фуқаролари учун визани бекор қилди
00:18 431 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 591 Жаҳон
Кўпроқ янгиликлар