Jaguar дунёдаги энг тезкор йўлтанламасни тақдим этади

Технология 20 Март 2017 5914

Jaguar компанияси F-Pace йўлтанламасининг спортча модификацияси синовига киришди. Фотожосуслар автомобилни яширинча суратга туширишди. Кадрлар Autocar нашри томонидан эълон қилинди. Машиналар сотуви 2018 йилда бошланади.

Суратларга кўра, янгилик анча тажовузкор дизайнга эга бўлади. Йўлтанламас катта ҳаво панжаралари, ғилдирак дисклари ва спойлерга эга. Унга V8 5,0 литрли бензин двигатели ўрнатилади. Моторнинг қуввати 570 от кучига тенг. Йўлтанламас соатига 100 километр тезликка 4 сонияда етиши мумкин. Шу тариқа, F-Pace SVR ўз синфидаги энг тезкор автомобилга айланади.

Англия бренди тарихидаги биринчи йўлтанламас - Jaguar F-Pace 2016 йилнинг ёзида сотувга чиқарилган бўлиб, уни бешта турли нусхасида сотиб олиш мумкин: Pure, Prestige, Portfolio, R-Sport ва S.

Автомобиль IQ негизида яратилган. F-Pace’нинг барча модификациялари саккиз поғонали автоматик узатмалар қутиси ва тўла узатма тизими билан жиҳозланган. Бошланғич йўлтанламас Ingenium оиласидаги дизелли двигателга эга. 2,0 л ҳажмли агрегат 180 от кучини беради. Бундан ташқари, дизелли нусхалар ҳажми 3,0 л. бўлган ва 300 от кучилик V6 моторига эга. Энг кучли дизелли F-Pace соатига 100 километр тезликка 6,2 сонияда етади.

F-Pace’нинг бензинли нусхалари 3,0 литрли бензинли V6’га эга ҳамда 340 ёки 380 от кучини бериши мумкин. Сўнггиси фақатгина F-Pace’нинг First Edition нусхасига тегишли бўлиб, бунда автомобиль соатига 100 километр тезликка 5,5 сонияда чиқиши мумкин. Бундай вариантнинг максимал тезлиги электроника томонидан соатига 250 километр тезлик билан чекланган.

Jaguar F-Pace тезкорлик билан тўхташ тизими, пиёдларни фарқлаш функцияси, ҳаракатланиш йўлагидан чиқиб кетишдан огоҳлантирувчи тизим, ҳаракатланиш йўлагида қолиш тизими, йўл белгиларини фарқлаш функцияси, шунингдек ҳайдовчи ҳолатини таҳлил қилиш тизими билан ҳам жиҳозланиши мумкин.

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30688 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16844 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66275 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57534 Жамият
Трамп АҚШ ҳукуматини ёпиш билан таҳдид қилди
10:50 1887 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 2775 Жаҳон
Шайхонтоҳур туманидаги қасддан одам ўлдириш фош этилди
10:27 2521 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Тожикистон-Хитой товар айланмаси 3 йилдан сўнг 3 млрд долларга етади
10:18 666 Жаҳон
Кўпроқ янгиликлар