Мексикада отишма, кўплаб қурбонлар бор

Жаҳон 20 Март 2017 5442

Мексиканинг Веракрус штатидаги Кошкиуи шаҳрида юз берган қуролли тўқнашув саккиз киши ҳаётига зомин бўлди, уларнинг беш нафари – полиция ходимлари, деб хабар берди штат губернатори Мигель Анхель Юнес.

Ҳукумат маълумотига кўра, полициячилар қуролланган шахслар ҳужумига учраган, ҳуқуқ-тартибот идораси машиналари ёқиб юборилди.

Ҳалок бўлганлар орасида маҳаллий ҳокимнинг куёви ҳам бор. Жиноятчилар аввалига унинг уйига бостириб кирган ҳамда ҳокимни излашган, сўнг унинг куёвини ўлдиришган ҳамда воқеа жойига етиб келган полициячиларга қарата ўқ узишди.

Хабар қилинишича, ҳодиса рўй берган ерга федерал полициянинг ўндан ошиқ машинаси етиб келган, ҳужумга алоқадор бўлган қуролланган икки шахс қўлга олинди. Штат прокуратураси текширув ишларини бошлаб юборди.

Кўпроқ янгиликлар