Тайван маъмурияти Хитой ҳукуматининг ўрта масофаларга уча оладиган "Дунфэн-16" (DF-16) баллистик ракеталарини шай ҳолатга келтиргани ҳақида баёнот бермоқда. Пекин оролга таҳдид солиш мақсадида шундай қилган. 

Тайван марказий ахборот агентлиги (CNA) маълумотларига кўра, бу ҳақда Тайван миллий мудофаа вазирлиги вакили Фэн Шикуан хабар қилган. Унинг айтишича, ракета "оролга аниқ зарба бера олади". 

Фэн Шикуаннинг қайд этишича, Тайван зарур бўлиб қолганда оролдан 40-70 км узоқликда "бу каби ракеталарни аниқлаб, уриб тушириш имконини берувчи Patriot (PAC-3) зенит-ракета тўпламларига эгадир". Бироқ, у Пекиннинг қаердаги баллистик ракеталарини шай ҳолатга келтирганига ойдинлик киритмаган.