Ўзбекистонда янги фармацевтика корхонаси ишга тушди. Қандай дорилар ишлаб чиқарилади?

Иқтисодиёт 20 Март 2017 8876

Мамлакатимизда Наврўз умумхалқ байрами кенг нишонланаётган шу кунларда янги ижтимоий-иқтисодий иншоотлар фойдаланишга топширилмоқда. Пойтахтимизнинг Олмазор туманида қад ростлаган «Well med pharm» фармацевтика корхонаси шулардан биридир, деб ёзмоқда ЎзА.

Янги корхона очилиши муносабати билан бўлиб ўтган тадбирда Ўзбекистон Соғлиқни сақлаш вазирлиги, «Ўзфармсаноат» акциядорлик концерни, давлат, жамоат ташкилотлари вакиллари, ишбилармонлар қатнашди.

«Ўзфармсаноат» акциядорлик концерни бошқаруви раиси М.Дўстмуродов ва бошқалар тадбиркорлар ва ишбилармонлар учун қулайликлар, имконият ва имтиёзлар кенгаяётгани фармацевтика саноати тараққиётида ҳам муҳим омил бўлаётганини таъкидлади.

«Well med pharm» фармацевтика корхонаси Ҳиндистоннинг «Shayana farm» фармацевтика компанияси билан ҳамкорликда ташкил этилди. Бунинг учун тўрт ярим миллион доллар миқдорида инвестиция жалб этилди.

Замонавий андозалар асосида барпо этилган корхонада юқори технологик ишлаб чиқариш линияси ўрнатилган. Технологик жараёнлар ва логистика тизими бир-бири билан узвий боғлиқлиги меҳнат унумдорлиги юқори бўлишига хизмат қилади. Илм-фаннинг сўнгги ютуқлари асосида жиҳозланган физик ва кимёвий таҳлил лабораторияси сифат ва хавфсизлик омилидир.

Янги корхонада йилига ўн миллион қадоқда гепатопротектор, оғриқ қолдирувчи, иммунитетни кучайтирувчи ва бошқа таблетка, капсула, малҳам ва шарбат шаклидаги дори воситалари ишлаб чиқарилади. Бунинг натижасида четдан келтирилаётган йигирма беш номдан зиёд дори воситасини тайёрлаш маҳаллийлаштирилади. Етмишдан ортиқ йигит-қиз иш билан таъминланади.

– Ўзбекистон бозорида ўн беш йилдан буён иш олиб бормоқдамиз, – дейди "Shayana farm" фармацевтика компанияси бош директори Тивари Ашок Кумар. – Мамлакатингизда тадбиркорлик учун имтиёзлар кенгаймоқда. «Well med pharm» корхонаси 2021 йилгача ягона солиқ тўловидан озод этилди. Четдан хомашё олиб киришда бир қатор имтиёзлар берилди. Биз ҳам бу имкониятлардан самарали фойдаланиб, тадбиркорликни янада кенгайтириш, ишлаб чиқарилаётган маҳсулотлар турини кўпайтиришни режалаштирмоқдамиз.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30688 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16844 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66275 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57534 Жамият
Трамп АҚШ ҳукуматини ёпиш билан таҳдид қилди
10:50 1887 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 2775 Жаҳон
Шайхонтоҳур туманидаги қасддан одам ўлдириш фош этилди
10:27 2521 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Тожикистон-Хитой товар айланмаси 3 йилдан сўнг 3 млрд долларга етади
10:18 666 Жаҳон
Кўпроқ янгиликлар