Politico: Иванка Трамп Оқ уйда отасининг "кўз ва қулоқларига" айланади

Жаҳон 21 Март 2017 6890

АҚШ президенти Дональд Трампнинг қизи Иванка Трамп Оқ уйда ишчи хона билан таъминланади ва махфий маълумотларга киришга рухсат олади. Бу ҳақда Иванканинг ҳуқуқшуноси Жейми Гореликга иқтибос келтирган ҳолда Politico нашри маълум қилди

"Президент маъмурияти ишига жалб қилинган президентнинг катта ёшли фарзанди бу янги имкониятдир", деб айтган Горелик.

Таъкидланишича, Иванка бирор-бир давлат хизматчиси расмий лавозимини эгалламайди ва маош олмайди. 

Гореликнинг айтишича, у отасининг "кўз ва қулоқларига" айланади ва унга турли соҳалар бўйича маслаҳатлар беради.

Маълум қилинишича,  Иванка отаси билан бирга Trump Organization компаниясида ва "Номзод" шоусида шериги сифатида узоқ вақт бирга ишлаган.

Кўпроқ янгиликлар