Португалияда 2016 йил якунлари бўйича футбол мукофотлари соҳиблари аниқланди. Мамлакатнинг энг яхши ўйинчиси деб Мадриднинг «Реал» клуби форварди Криштиану Роналду тан олинди. У 2015/16 йилги мавсумда жамоаси билан Чемпионлар лигасида зафар қучди, кейинчалик эса Португалия термаси сафида Европа чемпионига айланди.

Йил янгилиги йўналишида ярим ҳимоячи Ренату Саншеш тенгсиз деб эътироф этилди. У ёзда «Бенфика»дан Мюнхеннинг «Бавария»сига ўтди, халқаро даражада эса термага совринни ютиб олишда ёрдам берди.

Энг яхши мураббий деб Евро-2016да термани ғалабага олиб келган Фернанду Сантуш тан олинди.