18-19 март кунлари Финляндиянинг Турку шаҳрида қиличбозлик бўйича жаҳон кубоги босқичининг “В” тоифасидаги мусобақаси бўлиб ўтди. Унда Ўзбекистон шарафини Олег Соколов ҳимоя қилди, деб хабар бермоқда Ўзбекистон МОҚ матбуот хизмати.

Италия, Финляндия, АҚШ, Россия, Германия, Швеция, Австрия, Панама, Ҳонконг, Хитой Тайпейи, Венесуэла ва бошқа давлатлардан ташриф буюрган 90 нафар спортчи орасида терма жамоа аъзоси шамшир (шпага) бўйича беллашувларда барча рақибларини ортда қолдириб шоҳсупанинг энг юқори қисмидан жой олди ва мусобақанинг олтин медалига сазовор бўлди. 

Қиличбозимиз Олег Соколов жаҳон кубогининг навбатдаги босқичида олтин медалга сазовор бўлди

Эътиборлиси, мазкур мусобақа Олег Соколов учун 2017 йилдаги илк старт эди ва у ажойиб ғалаба билан бошланди. 

Маълумот учун, Олег Соколов аввал Украина терма жамоаси сафида мусобақаларда қатнашган.