Хитойнинг Хэнань вилоятидаги мактабда юз берган тиқилинч оқибатида икки ўқувчи ҳалок бўлди, деб хабар бермоқда Синьхуа агентлиги.

Ҳодиса маҳаллий вақт билан тахминан эрталабки саккизларда рўй берган (Тошкент вақти билан 5.00). Мактаб ўқувчиларидан бирининг сўзларига кўра, ўқувчилар ҳожатхонага кетишаётганида у ернинг ташқи девори қулаган. Бу болаларда ваҳима келтириб чиқарди. 

Фожианинг аниқ сабаблари аниқлаштирилмоқда. 20дан ортиқ мактаб ўқувчиси жароҳатланди, улар касалхонага олиб кетилди.

Фавқулодда ҳолатни махсус ташкил этилган комиссия текширувдан ўтказади.